告白

<<告白>>係一部非常完整既作品，好代表到日本電影既STYLE。有創意, 品味高, 除藝術層面仲考慮埋娛樂元素, 所以一向好欣賞日本既電影。(如果你同韓國電影一比, 就高下立見) 。




<<告白>> 既主題係好新既題材, 將極端既母愛同變態拉上關係。傳統價值觀都係歌頌母愛。但呢部戲探討係母愛點樣變態。先唔講母愛係唔係變態。單睇主題已經好捉到鹿。 好睇既文學, 通常帶點變態。例如希臘悲劇既經典Oedipus the King 都係探討殺父戀母既變態心理。人類深層變態既行為, 同藝術都有點關係。<<告白>>探討母性深處既變態層面, 非常文學LEVEL.單以主題計, 就已經係超哂班。





<<告白>>講母親深處係覺得自己既仔女就代表自己，所以母親會覺得自己既仔女係最好。母親係唔可以接受自己個仔女有缺點, 因為仔女就代表住佢自己。接受仔女有缺點等於接受自己有問題。松龍子要進行大報復, 係因為佢既愛女被殺, 而佢既愛女, 就係佢既理想中既自己。所以呢個仇恨比殺自己更大。<<告白>>以母愛變態為主題，牌面已經係一級作品既方向。




<<告白>>除左主題捉得好, 故事佈局都好高娛樂性。透過一個復仇既故事去帶出呢個主題, 節奏明快, 復仇過程有創意 一D都唔悶。歐洲電影多數有主題, 但佢既娛樂性一般都唔合適一般人觀看, 太抽象, 會跟得好辛苦。 日本電影好能夠兼顧藝術同娛樂兩方面，呢個係日本電影既優點。今次<<告白>>都完全做到, 所以整個戲都好完整。好代表到日本電影既特色,。(新一代既日式電影, 如果用黑澤明年代, 當然是非常不同)




除左主題, 故事外, 拍攝手法我都非常喜歡。 整個戲以輕鬆的氣紛講述一個復仇既恐怖故事。 係一個咁矛盾既感覺下，更能讓觀眾感受到那種恐怖的感覺。以一個平靜的背景交代一個恐怖故事，這樣更能讓觀眾感受到母愛中變態的一面。平淡中暗藏殺機。在這方面, 導演應記一功。




整個戲，我自己都喜歡。但不是非常喜歡。因為缺乏對一個角色的多角度抽寫，人物唔夠立體。例如, 如果多D描寫, 松龍子同佢母親既關係, 佢同佢老公同個女既關係, 松龍子同個女生前生後的生活改變。咁樣會另個角色更加真實, 能讓觀眾走入角色的世界, 真正了解母愛深處。 不過如果咁樣去講個故事, 就會好難兼顧到娛樂一部份。諒解呢一點, 我都會覺得呢部係一級作品。