6000蚊年齡歧視

中七同學如抽中大富翁命運一牌: 政府痴左線, 向每位18歲玩家派發6000大元。中七REGULAR堂仲有兩星期就完, 睇黎應該攪番個班會，夾錢買支靚香檳賀一賀佢。



中六既同學就真係慘, 差幾個月先夠18歲。如果計舊曆你話幾咁爽YY. 讀中史同學都問我, 中國人計虛齡嫁WOR, 計中國人計算法, 我應該係18歲嫁WOR, 我係唔係應該有資格拎呢? 讀生物既同學問我 ，我出世個時係零歲, 但我受精時係早多10個月嫁, 如果你話我受精個時唔係生命, 咁教會應該要接受墮胎WOR。 我覺得呢D理由都「文」水。



唔忍心見到同學咁失望, 我諗諗, 一道靈光打落我度。拿, 如果我而家請個人幫我打字, 你阿媽打字高手, 一分鐘600個字,走黎見工。我唔請令壽堂: 「過主喇」令壽堂:「點解丫? 我打字咁勁, 請我喇, 我打字送按摩」 我: 「咁筍黎益我? 但都唔請喇, 你太老, 我只係請18歲以下」



呢個CASE, 我相信足夠你去平機會告我，因為我只係因為令壽堂老而唔請佢, 係年齡歧視。如果請個消防員請人, 有個90歲既阿伯去見工, 阿伯: 「我可以用輪椅上班」 消防隊目唔請佢, 咁唔係 年齡歧視。係有合理既理由唔請阿伯。



而家FORM7學生有請拎 ,點解FORM6學生冇錢拎? 咁係咩原因? 大家對社會都冇貢獻嫁喇。咁你政府仲唔係年齡歧視????? 你我講, FORM7 同FORM6有乜分別? 係唔係因為FORM6 同學學歷低, 所以冇錢派? 如果一間公司派BONUS卑股東, 有兩個RANGE, 30歲以上每股4蚊, 30歲樓下每股2.8。 你話合唔合理?



同學可以試下去平機會一試,政府都鼓勵大家唔好死讀書, 而家係好機會喇。 讓我借用馬丁路德金的明句



I have a dream today.



I have a dream that one day every form 6 student 執番6000蚊