車仔麵記

我夜晚去食碗車仔麵
突然有個阿叔大叫:「阿姐!」
阿姐:「咩事?」
阿叔:「我叫杯咖啡，做咩比杯奶茶我?」
阿姐當時係呆左
我明佢點解呆左
因為阿姐係太天真去認真去諗佢呢個問題，所以hang左機
阿姐心諗「係喎，我點解會俾左杯奶茶佢?」
答案當然係攪錯左
但人既理性本能係rule out左呢個答案
係因為冇人會問d咁廢既問題
所以個答案應該唔會係「攪錯」咁簡單
應該係有個答案，我諗唔到
所以阿姐認真諗
而你認真諗就緊係hang 機
你問愛恩斯坦都答唔到喇
點解咖啡變奶茶
而我都好想請教阿叔
你咁問佢，你想佢點答
即係你覺得除左攪錯，仲有第2個答案
係咪你覺得阿姐暗戀你，驚你削胃
所以偷偷換杯奶茶俾你?
你咁問阿姐，你即係想迫阿姐同你示愛咁丫話
「衰鬼, 飲奶茶健康d ma」

人地攪錯左je
做咩要為難一個阿姐

沉船事件

呢件事我有幾個inspiration 1) 一有事發生。唔係有好多人探討究竟責任應誰屬。社會流行先將責任推在別人身上。而自己冇問題。這是缺乏理性客觀態度。 2) 香港人好怕被人佔便宜。蝕底。我認為這是因為自卑。因為被搵笨了即代表自己蠢。事實如果你有自信。不必因為蝕底而情緒地判斷一件事。 3)即使被佔左便宜，點解唔可以放人一馬。社會流行一個氣氛，好中意挑人既錯，然後鬧到佢狗血淋頭。點解唔饒恕人，突顯自己高貴人格。我相信真正有愛心，心地善良，只係唔想見到人地唔開心。有呢個性格比証明俾人睇你冇被人搵笨更可貴。 總結 有問題發生 1)自己係咪真係冇問題？ 判斷唔到就先唔好假設人地一定有問題 2) 真係人地有問題，或大家都有責任。何不放人一馬。培養自己善心。 善心益處是受人歡迎，不易動怒，動怒傷心肝。

隨想

藝術家從生活抽出話題放大 所以經常傷春悲秋 平凡人，我們不需要藝術家的偏激 整個人生，觀點客觀持平 都是好的事比差的事多 如果你愛你的父母 冷靜思考 用不著行這一步傷害他們的心 連續幾日雨天 容易令人覺得自己係屈原 想歪的時候 要抽離一下 想想自己不是屈原 而是史力加或比卡超 會有幫助 安息

maximizer

當你感到自己很愚蠢的時候
不要氣餒
起碼有一群經濟學家
包括大學教授， 諾貝爾得獎者
仍然對你很樂觀
當你是理性的人看待你

人生態度

人生中， 你可以改變到的事佔10﹪

其餘90﹪，則看你如何面對事情

客觀

很少聽人用「客觀」去讚賞一個人
「佢睇野幾客觀」
這是因為社會缺乏欣賞客觀的價值

宗教之路

成長過程
我們學會懷疑
懷疑是獨立思考的開始

盲目要求理由使我們偏離信託的本能

人本身就有信託的智慧
就如本能一樣
無需理由
信託依賴自己的本能

保持赤子之心
愈能掌握信托之能
愈能與宗教接通

我的志願

忽發奇想…
細個有一條好老套既作文題叫「我的志願」
奇實諗深一層呢條跟本吾係作文題
佢根本係iq test
中等智力會答醫生律師工程師
答呢d都係中等智力因為理性d諗
你個個寫呢d有幾多個真係做到
吾考慮實際情況
你不如寫你既志願係batman 變形俠醫嘜dull
再蠢d既答案係有考生以為真係問志願
我識有個朋友
真人真事。三兄弟
大仔答佢既志願係揸 巴士
二仔答揸小巴
三仔搭揸的士
佢阿爸當場噴血
我知你想講職業冇分貴賤
呢句說話既用法吾係隨意用
係有語境
個語境係同人地仔女講
我細個已經洞悉呢條題目既marking
呢條題目既答案個d乜醫生律師工程師
就係人都吾知實際呢班友係做咩
咁點解要答呢d marking
聰明既人就係歸納法做得好
上述個d職業既共通點就係搵到錢
所以聰明既同學係會睇到條作文題
真正係問
我的搵錢志願
能夠真正睇到呢條題目
仲吾係iq 200?
所以我應認為答律師醫生都係低手
呢d職業經吾起經濟周期
同民間藝術一樣會被洶汰
最聰日既答法係
我的志願是賺大錢
呢個答法係無敵
因為全句係
我的搵錢志願係賺大錢
有接受過教育都知呢句叫重言句tautology
係一定正確
而呢個就係成年人世界既marking scheme
搵吾到marking既細路會食蛋
搵到marking 既細路就係社會普遍認為成功一群

從歷史到BBA

中國歷史係祖先積下既經驗
其他國家想學都未必有
學做人， 玩權術， 治大國 
最後以人生大哲學結尾
多少天下事， 盡付笑談中
讀通中史好過讀MBA， 好過讀厚黑學

中史冇人揀
其實同大學BBA收生高過文學院，理學院一樣騎呢
究竟邊D先係真正有用，真正有價值？
冇人去考究
最緊要係個名改得勁

BBA （工商管理） 最利害就係改左個勁名
我認為要救中史，幫佢改過個名就可以
例如叫做
環球計量管理學（GQM)
（咁你問人讀咩， 佢答GQM， 幾型）
我肯定報讀人數急升

最尾教番中史都係一樣
反正唔會有人理
讀BBA既學生，
大部份都唔知自已係讀乜

使命

在我課堂，我經常強調思考及性格重要性。
我認為只有真正人才， 才會在這考試脫穎而出。
所謂人才就是擁有正確思考能力及虛懷若谷的性格。

無疑， 把問題簡單化／技術化，令學生處理簡單題型， 可幫助製造一種很明的感覺。
但這種技倆，跟行走江湖風水佬行騙無別
最終學生會經不起考試的門檻， 被淘汰出局。
以這種形式出現的補習課堂，會令這個行業及自己讓別人看不起。

使命，或許是人對上天接收的一種非理性感通
（無需經過思考，本能地認為自己應該要去做的事）
我相信我的使命是在課堂帶出思考及性格的重要性。
我認為只有堅持這個使命才使我、 學生及 社會獲得真正價值。

今年收生比過往多三倍。
學生人數愈多，意味著將會受我影響的人愈多。

歷史上的偉人， 他們有機會窮一生心力改變世界。盡生命的意義。
我幸運地也有機會讓我窮盡一生心力
改變無數人的生命。
盡上天給我的使命。

史坦尼斯拉夫斯基的《演員的自我修養》

大學時候, 其中一本我很喜歡的讀物是史坦尼斯拉夫斯基的《演員的自我修養》

從小到大, 我們接觸很多電視劇集或電影。戲—--可以說是我們生活的一部份。但你有否想過, 什樣的演出才稱得上好戲? 最佳男演員的判準是什麼?相信大部份人對演戲的了解只停留在維妙維肖或「佢真係扮得好似」這個層次。

事實上，演戲是一門藝術。史氏《演》這本書就是把演戲的藝術層面有系統地寫出來。

例如演繹一個角色要合理，對一個新相識的美女講「我愛你」是合理。對一個新相識的醜女講「我愛你」就是不合理。對醜女講我愛你, 演員需要合理的理由支持這句台詞。如果不合邏輯, 台詞會變假, 生硬。當劇本沒有交代清楚, 演員就要了解角色，從而合理化整件事。可能醜女似他的媽媽。這就有充足的理由另演員Build up 情感說出台詞。這就是進入角色, 即入戲。

《演》一書還有很大的篇幅講述演員如何進行情感交流。演戲其中一個價值是欣賞演員處理交流。這種情感的交流可以是跟對手, 自己, 觀眾, 甚至於道具交流。新手的演員自會顧住把台詞有自信地說出。層次最高的演員即是肢體也是跟觀眾交流。肢體也是戲。《演》其中一章就是要求演員佩上面具做戲。目的是讓演員不可以有任何面部的交流。訓練的就是演員的肢體。最高境界的戲是沒有對白, 只一個眼神, 演員也跟觀眾交流著。這就是好戲。

戲是一門藝術。不要再流於台慶的鬧劇。

這個月, 從文化角度來說是非常難得。同一時候有兩套好演員的戲。分別是演桃姐葉德嫻及演戴卓爾夫人梅麗史翠普。

一個人的價值，其中一部份是在於他對人文價值的了解。想做個有文化的人。何不讀一讀史坦尼斯拉夫斯基的《演員的自我修養》，然後找一個下午到戲院欣賞兩位大師的表演再印證書出的理論。提升一下自我文化修養。 從這年開始, 就展開你的文化之旅。

同性戀病

經常性都係咁
0個期興既野
我要隔一排
先會開始認真思考下
早排有牧師話:「同性戀係病」
牧師既講法正唔正確
(這裡探討的不是應否支持同性戀。我感興趣的是從思方學出發, 什樣去討論這個問題。)

要討論這個問題
首先要理解句子的內容
同性戀呢3個字會係好清晰
唔需要去DEFINE

所以整句句子關鍵字係「病」
「病」一字的意思是什麼
一般用語「病」係指傷風, 肚痛, CANCER等等
粗略理解呢個字既用法係指當身體不抒服, 或壽命會被縮短的時候
就可以稱為「病」

但思覺失調, 自閉等也是病的一種
所以「病」應該包括當一個人正常生活受影響的時候可以稱為患病

通過粗略分析, 「病」的一般用法是指另當一個人身體不抒服, 壽命縮短, 或正常生活受到影響就可以稱為患病

如果「病」的意思是上述的情況
那麼同性戀是否一種病?

同性戀不會另身體不抒服, 或壽命縮短,
至於影響正常生活, 我估計同性戀跟異性戀在生活上沒有很大的不同
起碼我不能就一個人的生活而判斷他是異性戀或是同性戀

(假設同性戀沒有影響生活或沒有太大的影響)
那麼按一般「病」的用法
同性戀就並不是病

如果牧師純粹把聖經不容許的行為
用「病」去形容, 是改變了「病」的正常用法
按這個用法
如果一個人信觀音, 也可以稱「病」
那麼信觀音的人就需要看醫生了

如果牧師能夠舉証同性戀會影響生活
例如像思覺失調, 自閉等
那麼牧師的講法可能合理

我感興趣的並不是聖經講法是否正確
或應否支持同性戀
或同性戀是否會影響生活

我感興趣的是當我們碰上一個問題
思考的方向應從何入手

野蠻

野蠻

我對這個詞的理解是指未受教化的行為
所謂教化是指能掌握人類在理性, 文化, 品味等範疇的知識

例如當接受教化後, 我們普遍接受食人為不當的行為
這時
食人族可稱為野蠻人

人類建立的知識其中最重要的一項是理性
沒有理性等於掌握不到人類最重要的價值
也就是缺乏教化
就是野蠻的表現

言詞之野蠻是指言論沒有理性的支持
例如
有人會說: 「你又唔係我, 你點解要批評我」
這類講法有自我推反的問題
因為講者都是批判別人

社會上有很多沒有理性支持的說法或思想
但又非常流行且廣為應用

這類說法反映理性的缺乏
等於缺乏知識的教化

以我對野蠻一詞的用法
可以稱為野蠻思想
或野蠻說話

失敗者

對於失敗/困難
有兩個解釋:

1) 件事太難
2) 自己唔夠努力

選擇1, 與智力有關, 關阿媽事(D基因唔靚)
選擇2, 關自己事, 

大部份人
揀選選擇1,
因為可以把
責任推卸
這是切頭切尾的失敗者

一人一票

民主, 一人一票
已經成為宗教信仰的教條
任何事情加上一人一票
就會文明化(Civilization?)
幾時諾貝爾物理學獎都可以讓我投下神聖一票?
(我物理學知識停留於地心吸力)

選美

咩人會參加選美
我認為係心地太善良既人
心地太善良就以為
世界美的標準
會考慮內在美

工聯會狂想

如果唔讀大學， 慳左廿萬
全部拎哂去報工聯會D班
水電A牌， 水喉， 寫Programe, 寫APPS， 摧眠，西班牙語， 日文，西裝裁剪，職業鎖匠，遊樂船隻 二級操作， 家居維修，紅外線感應水務設備安裝研習班，日本茶道，中醫導引按蹻養生運動， 曼陀羅「Mandala」彩繪心靈治療之旅，結他流行曲彈唱高班，聖誕薑餅屋實習製作班等等等等

你成個多拉A夢咁款， 仲有得輸？
諗諗佢

獨立思維

擁有獨立思維
並非生活上的小事
都要獨立思考一番

在重要的觀念
人生交叉
依賴的是自己的思考
已經發揮獨立思考的價值

能夠做到這一點
已經是難能可貴
因為很多人
即使是影響多大
所依靠的都是流行的看法
即隨波逐流

普選

如果特首需要一人一票普選
為什麼沒有人爭取大學校長
由大學生一人一票普選出來
性質有何分別？

黑白照

沒有色彩

剩下情感

這是黑白照迷人的地方