再論巾幗

九姑娘係成個劇本既主角。 之前講過, 佢係好唔合理。一個人係黑社會成長，點解個角色會做到成社會福利處既社工咁款? 一個咁好既角色就係咁糟蹋左。 另外，呢個角色做得唔好, 其中一樣野都唔關雯女事。 就係個故事係日軍呢個咁重要既事件, 冇另個角色有轉變。 一個角色好睇既地方係有起, 承, 轉, 合。 劇本冇加事件另角色有所改變, 呢個局限演員既發揮。 九姑娘失敗, 有兩點，唔合情理, 角色平面，似卡通片。 第二, 冇轉變, 成個劇, 有第一集既演繹方式係一個TONE 做哂! 冇變化, 唔好睇。



我唔覺雯女係好用心去演呢個角色。 如果我係演員, 我都唔會好有心機。因為係爛劇本黎。



東泰三千門生又係一個笑話。 如果個劇本寫得好, 或夠錢請多D演員，即係能夠做到黑社會既勢。係唔洗下下提住有三千門生呢個對白。以為加左呢句對白就加強劇本說服力。點解唔用心係劇本創作用更好既方法去加強個感覺呢。寫劇本難度就係呢度。 你要就住拍既資金, 巧妙地交代到想代代既野。而唔係下下用台詞一句交代就算。



最尾個幕仲要抄舒特拉的名單。 呢D真係名乎其實既東獅效顰! 你搵D孤兒去多謝九姑娘, 你覺得觀眾真係會感動咩? 九姑娘去救孤兒只係一幕, 15 MINS都唔知有冇? 人地史匹保用兩個鐘去BUILT UP 舒特拉去救人。 描寫哂被救既人同舒特拉既關係。你乜都冇BUILT UP, 就一句話好多謝九姑娘。你不如攪套愛情戲, 一開頭就講個女仔同男仔分手。跟住即完。睇下觀眾會唔會感動。

我睇完覺得自己香港有個咁既電視台好Shameful