6000蚊掩口費

政府派6000蚊呢招真係高。如果你問我派6000蚊好唔好, 我冇理由話派6000蚊卑我係唔好, 我話唔好咪即係同全港市民為敵?呢6000蚊係全香港每一個人既掩口費。 受人錢財，替人消災。收得掩口費，唯有唔出聲。收6000蚊之後，全港市民唔好意思再投訴政府。



政府稅收超過支出,有大量盈餘，就派俾市民。如果收稅收多左, 點解唔回番俾交稅既人, 而要回番俾D唔洗交稅既人? 交稅既原意係FOR 起電燈柱, 鋪靚條公路，幫阿婆阿伯，或者幫手湊大D孤兒。而家交稅, 洗唔哂D錢, 你派俾D人去旅行, 買I PHONE, 咁對辛勤工作既人而言, 係好唔抵。個班勤力搵錢既人, 俾人劫左一筆， 你拎D錢去幫JASON去菲律賓打官司, 都無話可說。而家你派俾D人去旅行, 咁做咩要抽我稅?一群中七學生, 無喇喇回左6000蚊俾佢地, 收到都覺得成件事好好笑, 讀讀下書有6000蚊, 真係書中自有黃金屋。



政府收多左錢, 點解唔搵方法滾大舊錢? 例如將舊錢拎去買股票, 投資係私人公司。 賺到錢, 再拎黎起多幾條地鐵, 攪下基建, 令經濟有實質增長。 或者可以儲起D錢試下D新野, 例如唔收薪俸稅, 咁樣可以剌激人多D工作意欲, 同埋會吸引到世界各理既專材黎香港, 兩個EFFECT都會改善到經濟。香港薪俸稅收入400億. 你都派得300億俾人消費, 不如拎400億做實驗投資。 免左紅酒稅都另香港創造好多紅酒相關既職業。而家有多左儲備, 係唔係可以係政策上做多D呢D正面既嘗試? 拎舊錢去幫政府搵新既財路, 可以拎政府唔洗依賴高地價政策，市民唔洗挨貴樓, 收入大部份唔洗供樓交租, 咁先係真正既已發展國家人民既LIVING STANDARD.



香港人五日半工作天，朝九晚7。呢個咁既工作時間, 一定唔係理想既生活模式。幾廿萬一個月, 請個人番黎理財, 就係要解決呢D困局，你有錢唔去幫我賺多D，拎去派俾人旅行, 咁搵我阿媽做喇。