論 「巾幗」

巾幗開頭個WEEK都有追睇
睇到日軍入黎就唔對路
祥細分析唔講
有兩點印象較深刻

第一, 九姑娘呢個角色, 設計上非常平面。咩叫一個平面既角色? 忠奸分明就係平面角色，好似卡通片FOR 小朋友睇就OK。 立體既角色係接近人性, 合乎邏輯。 例如九姑娘佢係一面倒係忠, 諗住燒哂D煙。 點解佢做左咁耐黑社會, 係冇爭扎? 權力, 金錢, 唔會影響佢既決定? 佢同爸爸既感情, 唔會影響佢對煙既價值? 而家TVB設計既九姑娘係一面倒忠。 咁係唔合理。 一般人話九姑娘好戲，咁係代表你冇見識。 佢演個咁平面既角色, 你可以話好戲。即係等於你叫劉翔跑5米, 跟住話佢跑步好快。你有個難既角色卑個演員去演先展示到佢能力。例如色戎既湯唯真係好立體。佢係間諜, 去色誘同梁朝偉。張愛玲話: 通過陰道可以直達女人既心。 性可以另個女人中意男人。 透過呢個角色去探討呢個問題。 湯唯既角色係, 佢透過性愛上左梁朝偉, (其實都唔知係唔係真係中意) 但佢唔肯認自己係個咁DIRTY既人。 同埋梁朝偉係漢奸。認愛上咁既人係好難。呢D就係個角色既內心爭扎，就叫做立體。演呢個角色先叫難度。

第二, 佢用日軍侵華做背景。 分析劇本, 點解要用日軍侵華呢個時代? 點解唔用現代, OR 清代? 同個故事主題有咩關係? 例如花樣年華佢揀50年代(大概) 做背景, 係因為佢想帶出時代同愛情既CONFLICT。 咁樣係選擇時代背景對推進劇本有重要既作用。但而家點解無喇喇要用日治時期既中國? 其實個劇本跟本都冇主題, 冇主題, 跟本是但搵個年代就可以。俾我唔會用日軍，點解? 因為食唔落! 你TVB冇錢拍, 又要扮大片， 次次講到日軍打黎, 就搵個NARRATOR( 陳法拉)講完就算。 係咁讀本日記。呢個表達手法好差。一個字: 悶。你UP出黎D野, 唔卑錢拍爆破。點會卑到觀眾相信到個時代既人真係好慘。 而家觀察係知道個D人好慘, 並唔係感受到好慘。即係咁, 我同你講, 我有個朋友食曱甴。同你真係見到有個人食曱甴係兩樣野黎。

不過好難叫TVB拍D高質既片, 香港既大學生都冇咁既文化品味
何況師奶?

自信, 自大, 謙卑, 自卑

自信係對自己能力有信心的表現。有自信的價值其中一點是對自己有能力解決未來的問題。這樣就能活得自在, 減少憂心忡忡的情況，而提高生活的質素。當你有自信的時候，很多人會用自大去形容。自信跟自大是兩回事。 自大是將自己(通常很不起眼)的成就放大，例如假設劉翔說自己是全宇宙跑最快, 就是自大的表現。自信不會自大，因為對自己有自信, 不需要通過自吹去提高自己的價值。有能力用一個更好的方法去証明自己的能力, 或跟本不需要這樣做。有自己的認同就足夠了。

自信跟謙卑是沒有矛盾。謙卑是知道自己有不足之處，有改善的空間。有自信的人相信自己有改變的能力。有自信的人會發掘自己的問題, 用自己的能力改善。自卑跟謙卑不同。自卑是知道有問題, 但不會去認及改善，可能由於對自己信心不足而做成自卑心。自卑通常妒忌。例如別人的車比自己漂亮。自卑的人會冇聲出，不停數臭人地, 自己卻非常妒忌。心裡很不抒服。自信的人相信自己有能力, 甚至可以比別人做得更好，可以買一相同或更好的車。現在比別人差, 可能是時間問題, 或可能是自己跟本不想花時間去做。 所以沒有需要妒忌。

處理好自信, 自大, 謙卑及自卑的心可以另自己更快樂。

性別歧視

性別歧視
很多人都會誤用性別歧視。當提及男女分別的時候，很多人就會以性別歧視作終止討論的擋箭牌。女人應該斯文D? 性別歧視。男人好粗魯?性別歧視。女人唔理性? 性別歧視。男人唔夠感性? 性別歧視。
由於對性別歧視一詞不了解，為免講多錯多，所以現今流行的態度是凡有關男女之別的說法也會避而不談。結果是男女大同化，男的柔弱. 女的剛強。這是社會缺乏獨立思維下導致的結果。 我傾向世界有多點變化，男性應有男性的特點, 女性應有女性的特點。所以不喜歡這種觀念對世界的影響。

勿喜講爛GAG-冇文化表現

當我們遇上價值的判斷時，一個很流行的觀念是: 睇你點睇, 冇一定既客觀標準。 抱這個觀念的人大多屬「冇文化之人」。 如果價值判斷真係「睇你點睇」, 那麼我們為什麼要學琴? 亂彈一通就可以, 因為好聽如否都是是乎觀點與角度。我們也不用學畫畫，因為價值判斷都是沒有一定的標準。 如果「睇你點睇」是成立，這樣很多的人文藝術也全面破產。所以價值判斷絕不是「睇你點睇」。

人類通過創作, 批判, 再創作, 再批判, 從而建立品味。這是文化建立的過程。透過學習，當有一定的背景，相同的品味，就懂得價值判斷的高低。亂說價值判斷是主觀，沒有高低之分，是缺乏品味, 冇文化的表現。自暴其短。

所以冇文化指缺乏人類建立的品味價值。爛GAG就是冇文化的表現，例如爛GAG人會說冇文化=冇帶文化書。這就是對幽默缺乏品味的表現。 喜歡爛gag,冇文化也。

為什麼會出現三聚青胺事件?

大陸毒奶內含三聚青胺導致嬰兒出現腎石。 毒奶產出歸咎於無良商人為取暴利而作出不法行為。事件出現另人質疑經濟學家相信的自由市場。按自由市場的運作，商人造出劣的產品後，消費者會轉移其他生產商。最終提供劣貨的生產者會被淘汰。這事件是否提供一個自由市場的反証，我們有需要更多的政府監管?

對於毒奶事件出現，從經濟學的角度分析。這裡有一個很大的疑點。為什麼幾間大型奶製品公司會一起加入三聚青胺? 如果其中一間沒有做此惡行並指出其他公司的毛病。 按市場的遊戲規則，該公司會賺大錢的。為什麼沒有這樣的行為出現? 三聚青胺事件出現，背後真正原因是市場受到政府的干預，真正的元兇是中國政府。

由於乙醇可以代替石油，內地有政策支持研發乙醇，。而乙醇是由農作為提煉出來的。大陸政府於是津貼農民生產有關乙醇的農作物。農民由於有更大的誘因生產乙醇相關係農作物，他們都放棄生產原有的食糧。這導致內地糧食價格上升。這當然包裝牛隻的糧食。

由於養牛隻的糧食價格上升，在自由市場的運作下，本來不是大問題。因為只要將奶類製品的價格提高。生產商仍可有生存的空間。但內地於奶類製品有價格管制。 所以奶農不能加價。 在這政策下，無疑是迫奶農去死。

無良商人在這情況下, 唯有走險。將奶開稍而減低成本。這其實也不是大問題。最大問題是大陸政府對奶類製品有蛋白質的檢查。 如果商人單開稀奶，這會不能通過政府的監察。最終大家都知道結果，就是加上三聚青胺以蒙混過關。

所以這解釋了為什麼各大奶公司團結無良。在這環境下，由於成本上升，如果奶商不走險是不能自保。當然這不等於讚同他們的做法。但導致這場悲劇的終極原因都是政府干預市場運作不當而造成。

環保是什麼?

•環保是什麼意思?當百佳阿姐都講支持環保的時候，係唔係老早反思下環保係咩意思? 一直以黎, 我都唔明環保係咩意思。係我CONCEPT環保即係唔好用。用支膠叉，環保啊, 保護地球。用膠袋啊, 環保啊, 保護地球。用多張紙，環保啊, 保護地球。係城市裡面, 我終於明白點解要信主，因為你冇可能唔係一個罪人，而你既罪名係破壞地球。個D所謂強姦犯，劫匪啊, 呢D應該以後要輕判，以後判守行為，社會服務令就算。而家我破壞地球啊，罪業深重夠終身監禁輪迴幾世。除左哥斯拉有咁既能力, 第二個就係我。我一直都唔明，點解禁用膠袋之前唔禁左城哥買遊艇先?一隻遊艇用既物料夠我用幾代膠叉。哦~遊艇就係必需，膠叉就唔係必需。所以遊艇唔洗環保，膠叉就要環保?!定係佢隻遊艇係細個隻叉，定還是係佢隻遊艇係紙札, 用環保紙造? 偱環再用變成穿梭機。你去百佳買成堆野，跟住話唔用膠袋，好自豪咁話為地球盡一分力。你咪即係等於著皮草去叫人保護動物? 大義凜然叫人支持環保，請問自己係唔係言行一致。

為什麼凍飲要加兩蚊?

在茶餐廳用膳的時候，當你ORDER套餐，凍飲都會要求另加兩元。凍飲加兩元的背後原因是什麼? 為什麼在高檔的餐廳不會要求另加收費?

對於茶餐廳凍飲加上兩元的收費方式。一般的想法都是因為凍飲要加上冰塊，由於成本增加。所以茶餐廳的老闆會提高價格而轉移成本於消費者身上。這個解釋有一個問題, 為什麼在高檔餐廳不會有凍飲加兩蚊的收費安排? 難道高檔餐廳的冰塊是免費的?

茶餐廳凍飲加上兩元的收費方法是要分辨消費者的購買力。生產者可透過提供選擇給消費者藉以向不同購買力的消費者收取不同你費用。 購買力較高或較願意支持較多金額的食客會因凍飲而額外多付兩元。情況就同購買書籍一樣，部份書藉會有軟封面及硬封面之分。硬封面的收費時軟封面的好幾倍。收取好幾倍的價錢不代表成本加上好幾倍，而是當消費者選擇硬封面的時候，這代表他的購買力較高，所以可以加以收更高的價錢。

換言之，凍飲只是藉口，目的是要對不同食客收不同費用。假設光臨茶餐廳的原因是因為食品而非飲品，熱飲及凍飲的分別不是主要影響食客的因素。不同購買力的食客可選擇不同的價格，較高消費力的食客由於不在意兩元，這樣就會在凍飲加兩元的收費下被生產商確現出來，從而對他收高的費用。茶餐廳多會用上這個價格安排是因為食客每餐的金額差異不大，所以不能誘過不同的餐價對不同食客收取不同的費用。

高檔餐廳的凍飲不需要多收兩元，這是因為加一服務費已經扮演分辨食客的功能。在高檔餐廳，不同套餐會有較大的價格上差異。而加一服務費已經對不同餐價按比例收取不同費用。一個食客點上較貴的套餐時，他所支付的加一服務費會較平套餐為高。這樣較高消費能力的食客就已經在加一服務的價格安排下額外被收取更高的費用。所以在有加一服務的餐廳裡不需再在凍飲加上兩元的價格安排藉以對較高消費力的消費者收更多的費用。

由於凍飲加兩元跟加一服務的功能上一樣, 所以不會並存。